መሻቴ

መሻቴ እኔን ሽቶ፣

ፍለጋውን ለፍቶ፣

ካለሁበት መጥቶ፡፡

መኖርን ሻትኩና፣

እሱም ተገኘና፣

ፈታ ተባለና፣

ዳግም ተሰልችቶ፣

ሌላ መሻት መጥቶ፣

ደግሞ እሱም ወጥቶ፣

መጥቶ ወጥቶ፣

መጥቶ ወጥቶ …..

እምነቴን ገንብቶ፣

ዳግም ልቆ መጥቶ፣

ተገኝቶና ወጥቶ፣

የእምነትን ተራራ ልቤ ላይ ገንብቶ፣

ላይመለስ ሄደ ቤቴን ተሰናብቶ፡፡

የበሬው ስጋት

አሸንዳ

አሸንዳ

የኔ ልጅ አበባ የኔ ነጭ ወረቀት፣

በቴሌቪዥን መስኮት አይታ እንደገባት፣

ቀጤማ አገልድማ የምትጨፍርበት፣

ለአሸንዳ በዓል ባመት አደረሳት፡፡

እኔም በዚሁ መስኮት መረጃ የሰማሁት፣

የከተማው ቧንቧ ውሃ መስጠት ማቃት፣

ያሸንዳን ሌላ ገጽ ስኖር አሳየኋት፡፡

ይሄንን አሸንዳ ቅርስ ነው ያላችሁ፣

የኔን ቤት አሸንዳም አትርሱት ባካችሁ፡፡