ዝቅታን ለመድን

እኛ ኢትዮጵያውያን ትልቅ ህዝብ ነበርን፣

ዘመናዊ ትምህርት ግራ ሳያጋባን፤

የነዚ ነፃ አውጪ የነዛ ነፃ አውጪ፣

ሁልጊዜ ፍጭት ሁሌ ነገር ጠጪ፤

ጠቃሚ ሃሳብ ሲገኝ የሚሆነን ለለውጥ፣

በሰላም አንችልም ሳይሆንብን ለነውጥ፣

የተሻለ ነገር ተነግሮን አንሰማ፣

በሳት የመጣውን ክፉ ነው ስናማ፤

ጦርነት ደጋግሞን ዝቅ ዝቅ ሲያደርገን፣

ትውልድ ተቆጠረ ድፍን መቶ ሞላን፤

እራስን መናቁ እየደጋገመን፣

ጊዜ ቆጠረና ዝቅታን ለመድን፤

በዚ ነፃ አውጪ ዛሬም በሳት ሲለን፣

ትንሽ ነን አስባለን ዝቅታ አስለመደን፣

በወዲህም ገዢ ጫን አርጐ ሲገዛን፣

በመሃል በጭንቁ ከክር አቀጠኑን፤

ተመሳሳይ ትግል ተመሳሳይ ውጤት እየደጋገመን፣

ትንሽ ነን አስባለን ዝቅታን ለመድን፡፡