አሸንዳ

አሸንዳ

የኔ ልጅ አበባ የኔ ነጭ ወረቀት፣

በቴሌቪዥን መስኮት አይታ እንደገባት፣

ቀጤማ አገልድማ የምትጨፍርበት፣

ለአሸንዳ በዓል ባመት አደረሳት፡፡

እኔም በዚሁ መስኮት መረጃ የሰማሁት፣

የከተማው ቧንቧ ውሃ መስጠት ማቃት፣

ያሸንዳን ሌላ ገጽ ስኖር አሳየኋት፡፡

ይሄንን አሸንዳ ቅርስ ነው ያላችሁ፣

የኔን ቤት አሸንዳም አትርሱት ባካችሁ፡፡

አሜን

ግራ ጐኔን ብዬ በምብርክክ ስለምን፣

ልቤንም አግዞት በፍቅር እንዳምን፣

ሲሰጠኝ አውቄ ብያለሁኝ አሜን፡፡

በሳት ተፈትነሽ ነጥረሽ እየወጣሽ፣

ለቤቴ ምሰሶ በቃሉ የሰራሽ፣

የህይወቴን ፋና በፍቅርሽ አበራሽ፡፡

ካንቺ ጋራ መኖር ፍፁም አይሰለችም፣

ቃሌን ተቀበይኝ ያንቺ ነኝ ዘላለም፡፡

አሜን ይሁንልን በበረከት ይሙላን፣

የልጆችን ደስታ ከእድሜ ጋር ያሳየን፡፡